Kepiye carane ngundang tangga teparo liwat WhatsApp kanthi basa Jawa sing santun? Kepiye siswa nyuwun idin marang guru, mahasiswa ngubungi dosen, Karang Taruna ngaturi Kepala Desa, utawa warga menehi kabar kenduri, siskamling, lan pawarta duka kanthi unggah-ungguh sing trep? Pitakon-pitakon kaya mangkene asring ditemoni ing urip saben dina.
Sinau Basa, Sinau Rasa: Panduan Praktis Unggah-Ungguh Bahasa Jawa dirancang minangka panduan praktis kanggo mbantu para pamaca nggunakake basa Jawa kanthi bener, pener, lan ngajeni. Buku iki nggabungake pemahaman babagan ngoko lugu, ngoko alus, krama lugu, lan krama alus kanthi maneka warna tuladha komunikasi ing sekolah, kampus, kulawarga, lan masyarakat, kalebu undangan, nyuwun tulung, matur nuwun, nyuwun pangapunten, pamit, lan nolak undangan kanthi santun.
Saben tuladha diplengkapi konteks komunikasi, pilihan ragam basa, teks, lan cathetan kabahasaan supaya gampang ditrapake ing kahanan nyata. Buku iki cocok kanggo siswa, mahasiswa, guru, wong tuwa, pengurus masyarakat, lan sapa wae sing kepengin nguri-uri basa Jawa kanthi trep. Ora mung bisa basa Jawa, nanging uga bisa mapanake basa: sapa sing ngomong, marang sapa, lan ing kahanan apa.
Pembayaran diproses manual melalui percakapan WhatsApp setelah Anda memesan.
